Јотовски со сигурна игра до четвртфиналето

Македонскиот тенсиер Томислав Јотовски успешно ја мина и втората пречка на фјучрсот во Грузија откако денеска го совлада Шунсуке Вакита од Јапонија со 2-0 во сетови и со тоа се пласира во четвртфиналето.

Нашиот тенисер првиот сет го доби со 6:2 во гемови, а разликата ја направи откако по 1:1 имаше серија од четири гема и водство од 5:1. Во вториот сет беше 6:3 за Јотовски. Мечот траеше 99 минути.

Јотовски во четвртфиналето ќе игра против квалификантото Гиљермо Оласо од Шпанија (29.години). Шпанецот повеќе од три години немаше настапи на турнири, а во октомври 2011 година бил 168 на АТП листата.

Јотовски попладнево ќе има настап и во конкуренција на двојки каде заедно со Виктор Филипенко ќе играат против браќата Александар и Максим Малишев од Русија.