Јована (10) од Ресен е слепа, но свири клавир и хармоника, пишува поезија, пее и победува
Малечкото десетгодишно девојче од Ресен Јована Трајчевска од Ресен, по тешката болест загуби една битка - својот вид, но не и волјата за живот. Таа го победи својот хендикеп и храбро зачекори напред.
Слепилото не ја спречи да напише книга поезија, да научи да свири клавир и хармоника, да пее и да победува на различни натпревари, да биде активист во здружение за заѓтита на животните.
-Минатата година на регионален натпревар во соло пеење освои трето место. Трета беше и на натпреварот по математика, а успешна е и во шах. На осум години стана балкански првак меѓу слепите лица, а на осум ипол почна да пишува поезија, вели нејзината мајка, Јасмина Трајчевска.
Јована светот го гледа преку своите песни. Со нив ги изразува своите чувства, желби, надежи... Сега нејзините песни ги објави во книга поезија наречена “Тајните од моето срце“.
-Да напишам збирка песни ми требаше година ипол дена, а промоцијата ќе биде на 18 февруари во големата сала на општина Ресен. Инспирација имам од секојдневниот живот и моето семејство. Освен со поезија, како мала многу слушав композиции за клавир и гитара. Тие ми беа омилени инструменти. Не успеав да научам гитара, но затоа свирам клавир и хармоника и поради тоа сум многу среќна, вели малечката Јована Трајчевска.
Ова девојче им порачува на сите кои го загубиле видот да не се предаваат, туку да го следат своето среце и да настојуваат да го работат она што најмногу го сакаат.
Сите кои го прочитале поетското првенче на Јована Трајчевска се воодушевени од нејзиниот талент, а една од редакторките, Билјана Тодоровска вели дека ја прочитла во еден здив.
-Читајќи ги стиховит на Јована до мене допира љубовта. Посакав да бидам ѕвезда на небото и со целиот универзум да сковам договор и да ги исполнам сите желби што Јована како дожд ги испорача пред мене. Ме воведе во својата чедна желботека, а прочитав многу и за пружената рака на добрина. Нејзините стихови ме научија дека сите сме посебни цветови на оваа планета, вели Тодоровска.
Уметничката врата за малечката Јована се отвораат заедно со нејзиниот ентузијазам кон творештвото, а нејзините горди родители се подготвени да и помогнат во нејзините амбиции.
Популарно од Македонија
Ново на Сител
-
Путин: Наскоро сите ќе возиме кинески автомобили
-
Во Франција денеска ќе бидат затворени повеќе од 400 средни училишта поради протести на учениците
-
86 кг храна годишно по жител завршуваат во отпад од македонските домаќинства - глобално пропаѓаат над милијарда оброци дневно
-
Посебен режим на сообраќај поради посетата на претседателката на ЕК Урсула фон дер Лајен
-
Трамп: Можно е по изборите да го засилиме бомбардирањето на Иран
-
Во Кривичен суд продолжува судењето за „Државна лотарија“
-
Кратењето средства за ОН го доведува во ризик образованието на милиони деца бегалци
-
Сончево со мала до умерена облачност и студено утро
