Јунајтед со контранапад против „Фудбал менаџер“

Манчестер јунајтед ги тужат креаторите на популарната видео-игра „Фудбал менаџер“ за користење на името на 20-кратниот англиски шампион.

 

„Ѓаволите“ тврдат дека нивното име постојано се користи во играта бесправно и затоа поднеле тужба против „Сега паблишинг“ и „Спортс интерактив“, обвинувајќи ги дека ги користат заштитените симболи на клубот.

 

Од друга страна компјутерската компанија тврди дека легално ги користи името на Јунајтед во сите верзии на „Фудбал менаџер“ и претходникот „Чемпионшип менаџер“ од 1992 година без клубот да се жали и го обвинуваат Јунајтед дека се обидуваат да спречат легална конкуренција кај видео-игрите со тоа што не дозволуваат да се користи името.

 

Случајот засега е одложен на неопределено време.