Јужна Кореја построго ќе го контролира извозот во Русија

Јужна Кореја построго ќе го контролира извозот во Русија, со забрана за извезување стратешки артикли. Земјата ќе им се придружи на западните земји во потезите да исклучат некои руски банки од меѓународниот систем за плаќање СВИФТ, соопшти денеска, јужнокорејското Министерство за надворешни работи.

Исто така, се одлучи и да се промовира дополнително ослободување стратешки резерви на нафта за стабилизација на меѓународните енергетски пазари, како и да се преиспитаат и други мерки, како на пример, препродажба на ЛНГ во Европа, информираше Министерството, јави Хина.

„Владата ја осуди руската вооружена инвазија на Украина и како одговорен член на меѓународната заедница, одлучи активно да учествува во напорите на меѓународните заедници, вклучувајќи економски санкции, за мирно решавање на состојбата“, се наведува во соопштението.

Меѓу тоа што ќе се контролира, влегуваат и залихите на електроника, полупроводници, компјутери, информации и комуникации, сензори и ласери, навигација и авионика и опрема за бродови и авијација.

Министерството додаде дека ќе ја зголеми хуманитарната помош за Украина, појаснувајќи дека за своите одлу ки, службено ја известило американската Влада преку дипломатски канали.