Јужна Кореја: Внимателно олеснување поради обновување на дијалогот

Јужна Кореја денеска изрази претпазливо олеснување поради продолжувањето на разговорите за самитот меѓу американскиот претседател Доналд Трамп и лидерот на Северна Кореја, Ким Џонг-ун.

Соопштението од претседателската канцеларија на Јужна Кореја беше објавено неколку часа по изјавата на Трамп дека самитот, сепак, можеби ќе се одржи.

- Ја сметаме за среќна околност тоа што жарта за дијалог меѓу Северна Кореја и САД не е целосно изгаснета, изјави портпаролот на претседателот Мун Џае- ин. 

Трамп вчера рече дека самиот би можел да се одржи на 12-ти јуни во Сингапур, откако ден претходно го откажа.