Каевски: Во секоја општина каде што владее ВМРО-ДПМНЕ се случува хаос и нефункционалност
Хаосот што ВМРО-ДПМНЕ го прави во Скопје е само пример како оваа партија раководи со општините каде ја има локалната власт.
Речиси и да нема општина предводена од ВМРО-ДПМНЕ каде нема хаос и нефункционалност, каде нема партизација, расипничко трошење на парите и зголемување на општинските услуги.
Општина Штип, градоначалникот Иван Јорданов и мнозинството во Советот од ВМРО-ДПМНЕ ги зголемија цените на данокот на промет, а претходно значително ја поскапеа цената за такси превоз и надоместокот за ѓубретарина.
За секретарката на општина Штип и блиска соработничка на градоначалникот постојат сериозни обвинувања дека гради дивоградба.
Масовна партизација се случува во општина Охрид, каде во општината и јавните претпријатија се вработени над 50 партиски војници, а цените на комуналните услуги се поскапени.
Поскапи комунални услуги и паркинг плаќаат и граѓаните на општина Прилеп, додека локалната власт од ВМРО-ДПМНЕ нема реализирано ниту еден важен проект во изминатата година.
Во Битола општински пари се доделуваат на портпаролот на ОК ВМРО-ДПМНЕ и неговата сопруга, а службените возила на јавните претпријатија се злоупотребуваат за лични патувања и потреби.
Во општина Велес исто така има поскапување на комуналните услуги и масовна партизација на јавните претпријатија, а идентично е и во Виница, Радовиш и неколку други помали општини раководени од ВМРО-ДПМНЕ.
Образецот на владеење на ВМРО-ДПМНЕ е идентичен секаде, не се работи, нема нови проекти, но затоа има поскапи услуги за граѓаните и партизација на општинската администрација и јавните претпријатија.
Една година локална власт е една година уназадување на Град Скопје и други 40ина општини.
ВМРО-ДПМНЕ и шпицниот градоначалник Христијан Мицкоски работат за лични и бизнис интереси, секогаш на штета на интересите на граѓаните.
Дарко Каевски, пратеник и портпарол на СДСМ
Ново на Сител
-
Аналитичари: Ако се укине балансерот, можни се турбуленции во политиката
-
Мајка и ќерка пронајдени мртви во тетовско Слатино
-
Тема на денот со Гордана Димитриеска Кочоска, министерка за финансии
-
Преглед на вести од светот
-
Мендух Тачи и официјално надвор од Европскиот фронт, ДУИ сè уште го бројат за нивен
-
Муртезани: Се бара ново решение за спорот со Бугарија со претставници од ЕУ, ќе биде обелоденето по бугарските избори
-
Лидерите од регионот порачаа: Европската унија не е целосна без Западен Балкан
-
Македонија се задолжи 500 милиони евра во Унгарија