КАКОВ ИДИОТ: Бизнисмен во Порше одби да се тргне за да помине Брза помош

Иако возачот на амбулантното возило во повеќе наврати му сигнализираше дека „поршето“ мора да ја ослободи коловозната лента, бизнисменот се правеше дека не слуша

Евгениј Шувалов, 45-годишен бизнисмен е поставен на ѕидот на срамот во Русија поради неговото, кажано во најмала рака, безобразно однесување. На социјалните мрежи се појави снимка на која се гледа дека тој, со своето „порше“ го попречува возилото на итната помош, иако се вклучени ротациските светла и сирената што сите ја слушнаа.

Иако возачот на амбулантното возило во повеќе наврати му сигнализираше дека „поршето“ мора да ја ослободи коловозната лента, бизнисменот воопшто не посветуваше внимание. Не беа доволни ниту реакциите на другите возачи на улицата. Бизнисменот, правејќи се глув, продолжи да ја блокира итната помош.

Ситуацијата се разреши дури откако се вмеша полицијата, па тој мораше да ја ослободи лентата по која возеше. Задржувањето беше повеќе од една минута, што може да биде и пресудно за нечиј живот.