Катарскиот премиер се надева дека Израел нема да го искористи примирјето во Иран за да продолжи со бомбардирање на Газа

Медијаторот Катар објави денеска дека работи на продолжување на преговорите за прекин на огнот во Газа повикувајќи го Израел да не го злоупотребува примирјето со Иран за да „ослободи се што сака да ослободи“ во блокираниот појас.

„Се уште продолжуваме со нашите напори и, ако даде Бог, ќе се обидеме да бараме можност во текот на следните два дена за индиректни преговори меѓу двете страни… Се надеваме дека израелската страна нема да го искористи прекинот на огнот со Иран за да ослободи она што сака да ослободи во Газа и да продолжи со бомбардирањето на појасот“, изјави шеикот Мохамед бин Абдулрахман бин Јасим Ал-Тани за време на заедничката прес-конференција со неговиот либански колега.