Кавадарчанка пријавила напад врз малолетниот син во угостителски објект со стаклени и други предмети

Кавадарчанка пријавила дека нејзиниот малолетен син бил нападнат во угостителски објект со стаклени и други предмети, информираа денеска од СВР - Велес.  

- Утринава во 04.10 часот во ОВР - Кавадарци, 45-годишна кавадарчанка пријавила дека во угостителски објект, нејзиниот малолетен син бил нападнат со стаклени и други предмети од И.С. и други лица меѓу кои биле И.И., Ф.П., С.Л, Т.П. и Д.М. Исто така, во 04.30 часот во ОВР - Кавадарци, кавадарчанецот П.Т., на возраст од 22 години, пријавил дека додека бил во угостителскиот објект, бил удрен со стаклен предмет од И.С, соопштија од СВР - Велес. 

Оттаму појаснија дека претходно, во времето од 01.45 до 02.00 часот во градот, полициски службеници  ги привеле О.П.(20) и И.С.(21), двајцата од Кавадарци, како и Ќ.П.(25) и Д.К.(25), двајцата од Неготино, затоа што пред угостителски објект во Кавадарци го нарушиле јавниот ред и мир. Додека полициските службеници преземале службени дејствија, малолетник од Неготино ги попречувал, по што малолетникот бил лишен од слобода и приведен во полициска станица.  

- Се преземаат мерки за целосно расчистување на настаните, додадоа од Секторот за внатрешни работи. 

Оттаму информираа исто така дека во 04.00 часот во ОВР - Кавадарци, 20-годишна девојка од Кавадаречко пријавила дека во близина на спортска сала „Јасмин“ во градот, по расправија со нејзиниот поранешен партнер К.К.(19) од неготинско село, настанала физичка пресметка. Од страна на К.К. истиот настан бил пријавен и во ОВР - Неготино. По документирање на настанот, ќе бил поднесен соодветен поднесок.

- Вчера, пак, во 14.30 часот, полициски службеници од ОВР - Кавадарци го лишиле од слобода М.Т.(31) од кавадаречко село, затоа што во семејниот дом физички ја нападнал неговата 52-годишна мајка. М.Т. бил приведен во полициска станица, известен бил јавен обвинител, соопштија од СВР - Велес. 

По документирање на настанот, против него ќе била поднесена соодветна пријава.