Казнета двојка со 400 евра, бидејќи се бакнувале на улица без маски
Една двојка во Милано е казнета со 400 евра бидејќи се бакнувале на улица, претходно вадејќи ги заштитните маски, со што ги прекршиле рестриктивните мерки воведени во Италија поради пандемијата на Ковид-19.
Откако се бакнале на улица тие продолжиле кон еден ресторан, по што одеднаш ги опколила полиција. Мажот, кој е италијански државјанин, и жената, која е полска државјанка, се верени две и пол години. Тие се обиделе тоа да и го докажат на полицијата, но морале да ја платат казната бидејќи во документите имале различни адреси на живеење.
Утврдувајќи го нивниот идентитет, полицијата ги казнила со 400 евра, бидејќи не ги почитувале обврзните мерки за носење маски и држење растојание од еден метар.
Тие и покажале на полицијата фотографии, видео снимки и преписки со кои потврдуваат дека се во долгогодишна љубовна врска, објаснувајќи дека во моментот биле сами на улицата, но тоа не им помогнало да се спасат од казната, бидејќи според законот мораат да бидат пријавени на иста адреса на живеење.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден