КФОР ги пропушти вработените до влезот на општина Звечан, косовската полиција ги запре и фрли солзавец
Косовската полиција утрово фрли солзавец кон вработените во општина Звечан кои во неколку наврати се обидоа да влезат во зградата. Како што јави Радио-телевизија на Србија (РТС), вработените во неколку наврати се обиделе да го пробијат кордонот на специјалните единици на косовската полиција стационирани пред влезот на зградата.
Вработените во таа општина претходно биле пропуштени од страна на војниците на КФОР, кои од утрово се распоредени пред општинската зграда, вооружени и со опрема за да ги разбијат демонстрациите.
Пред таа зграда се претставници на Српската листа, Горан Ракиќ, Игор Симиќ и Драгиша Миловиќ, кои разговараат со претставници на косовската полиција, јавува РТС.
Во петокот, по обидите на граѓаните од северот на Косово да ја спречат полицијата да влезе во општинските простории во Звечан, Зубин Поток и Лепосавиќ, дошло до конфликт, во кој полицијата употребила солзавец, димни и шок бомби.
Неколку Срби беа повредени, а косовската полиција влезе во општинските згради и во нив ги донесе албанските градоначалници, кои победија на неодамна одржаните избори, на кои излегоа вкупно 3,4 отсто од гласачите.
Изборите, кои беа бојкотирани од српските политички претставници во Косово, беа организирани од Приштина на крајот на април, откако Србите ги напуштија косовските институции во ноември минатата година.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот