Кик Бокс клубот Шампион Урко - тим најуспешен македонски клуб во Ниш

На Балканското куп-првенство Balkans Best Fighters – Ниш, кое се одржува секоја година, македонските клубови традиционално настапуваат во голем број и редовно се наоѓаат на самиот врв.

Кик-бокс клубот Шампион Урко Тим оствари извонреден успех и беше прогласен за најуспешен клуб на првенството, освојувајќи вкупно 19 медали: 7 златни, 8 сребрени и 4 бронзени.

Нашите натпреварувачи освоија и пехари за најдобри борци во своите дисциплини. Од сите клубови учесници, Кик-бокс клубот Шампион Урко Тим е прогласен за првопласиран клуб во ринг-дисциплините, за што беше награден со посебен пехар.

Пехари за најдобри во своите дисциплини освоија:

Максим Митровски – најдобар сениор на ринг во Low Kick дисциплината

Лука Кипровски – најдобар сениор во К1 дисциплината

Милан Нешевски – најдобар јуниор на ринг во Low Kick дисциплината

Иван Кукуновски – најдобар јуниор во татами дисциплините

- Како тренер, исклучително сум горд на моите натпреварувачи. Овој успех е доказ дека трудот, дисциплината и посветеното време во спортот секогаш се исплатат и носат резултати. Продолжуваме со тренинзите во Магнус центарот, каде што е сместен КБК Шампион Урко Тим, а денеска заедно со натпреварувачите кои од оправдани причини не настапија викендов, како и со многуте рекреативци, ќе ги прославиме нашите победи. Бидете и вие дел од нашата победничка кик-бокс фамилија – дојдете да вежбаме заедно, изјави Дејан Митровски Урко.