Ким Кардашијан тужи интернет весник кој тврди дека го измислила грабежот

Американската ѕвезда на реалити телевизиските шоуа, Ким Кардашијан поднесе тужба против еден американски интернет весник, затоа што објаву дека е „лажна жртва“ на грабеж во Париз.

Не е познато колкав износ пари бараат Кардашијан и нејзините адвокати како надомест за „претрпената штета на нејзиното име и углед“ со написите во интернет весикот, во кои таа е прикажана како „лажливка и крадец“.

Минатата недела светските медиуми објавија дека Кардашијан била ограбена во еден стан во Париз од засега непознати крадци, кои со вперен пиштол и го одзеле целиот накит вреден 10 милиони долари.

Весникот „Медиа Теикаут“ одби да и се извени на Кардашијан, како и да го објави нејзиниот демант, тврдат нејзините адвокати, но нема никакво објаснување за целиот случај ниту од интеренет изданието , а ниту од неговиот сопственик и издавач.

Ким Кардашијан (35) стана позната ширум светот по нејзината серија-реалити шоу програми „Кипинг ап вид Кардашијанс“.