Клоп: Јас и моето семејство сме шокирани и уништени по инцидентот со навивачите на Ливерпул

Поранешниот тренер на Ливерпул, Јирген Клоп, се огласи по инцидентот во кој автомобил влета во толпата навивачи на клубот за време на славеничката парада на тимот во чест на освоениот трофеј во Премиер лигата.

Инцидентот се случил вечерта на 26 мај. Полицијата во Ливерпул соопшти дека возачот на автомобилот бил 53-годишен Британец.

- Моето семејство и јас сме шокирани и уништени. Нашите мисли и молитви се со сите што настрадаа, напиша Клоп на неговите профили на социјалните мрежи.

Претходно, градоначалникот на Ливерпул, Стив Ротерам изјави дека четири лица повредени во сообраќајната несреќа се во многу тешка состојба.

Клоп беше тренер на Ливерпул од 2015 до 2024 година.