Книжевен разговор со писателката Наида Мујкиќ
Издавачката куќа „Готен“ во соработка со Здружението за култура и развој на креативните индустрии „КУЛТ-ТРАНЗЕН“ од Струмица, денеска организра книжевен разговор со писателката Наида Мујкиќ.
На разговорот ќе се зборува за книжевното творештво на Мујкиќ, но и за книжевната сцена во Босна и Херцеговина. Во рамки на разговорот авторката ќе прочита дел од својата поезија.
Наида Мујкиќ е родена во Добој, 1984 година. Магистрирала на Филозофскиот факултет во Тузла, а во моментот работи како виша асистентка по книжевност на Филозофскиот факултет во Зеница. Таа е надворешна соработничка во неделникот „Став“ и е дел од редакцијата на списанието „Лингвазин“. Има свој блог и објавува филмски критики.
Во 2006 година ја доби наградата „Диздар“ за необјавена збирка песни, а нејзината втора книга поезија „Љубовните шарти на могулот“ во 2016 година влезе во финалниот избор за книжевната награда „Хасан Каимија“.
Песните на Наида Мујкиќ се преведени на германски, турски, корејски, македонски, италијански и англиски јазик. Учествувала на повеќе поетски меѓународни фестивали и книжевни средби, а нејзината поезија е дел од повеќе домашни и регионални антологии.
Разговорот со Наида Мујкиќ е дел од книжевната резиденцијална програма за автори и преведувачи од Југоисточна Европа „Апсолутно модерен“, програма која се реализира под покровителство на Европската мрежа за превод и книги Традуки.
Ново на Сител
-
Палевски: Заминав во Турција за да докажам дека Гоце Делчев бил убиен од врховистите, а не турски аскер
-
Венко Крстевски избран за в.д градоначалник на Општина Кочани
-
Тошковски: За трагедијата во Кочани се постапува по над 50 осомничени
-
Сите идеали на овој свет не вредат колку солзите на едно дете, советничка од Кочани си поднесе оставка
-
Хамас подготвен да ги ослободи сите заложници во замена за завршување на војната во Појасот Газа
-
Во сообраќајка кај скопската обиколница повредени три лица, меѓу нив и дете
-
Таравари: Има терапија што може да ги замени лековите што недостасуваат на Онкологија
-
Тетовчанец не застанал на полициски „Стоп“ знак и со вратата од возилото удрил полицаец