Книжевно пладне по повод 30 години од смртта на Живко Чинго
Градската библиотека „Браќа Миладиновци“- Скопје по повод 30 години од смртта на големиот македонски писател Живко Чинго организира Книжевно пладне. Чествувањето ќе се одржи во спомен - собата на Миладиновци во Библиотеката. За делото на Чинго ќе зборува проф. д-р Весна Мојсова-Чепишевска, а делови од неговото творештво ќе интерпретира актерот Томе Витанов.
Живко Чинго (1935-1987) е еден од најпознатите раскажувачи, романсиери и драмски автори во македонската книжевност. Негови значајни остварувања се збирките раскази Пасквелија, Нова Пасквелија, Пожар, Вљубениот дух, Накусо, Гроб за душата, Бунило, романот за деца Сребрените снегови, романите Големата вода и Бабаџан и драмите Образов, Ѕидот, водата, Кенгурски скок и Макавејските празници. Преведен е на повеќе јазици и добитник е на најважните книжевни награди.
За неговото дело академик Георги Старделов ќе напише: ...Светот на Живко Чинго е чудесната земја Пасквелија (според селото Пасквел, некаде покрај езерото), колку имагинарна, толку и сурово стварна. Неговата проза, всушност ги открива големите тектонски пореметувања во животот на луѓето. ... Раскажувачкиот свет на Чинго е опседнат од една драматична револуционерна тематика на нашето живеење, откривајќи ни во него бурни, преломни и потресни настани...
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година