Коцијанчич: Косово да ги укине таксите, а Србија да обезбеди клима за дијалог

Портпаролката на Европската комисија Маја Коцијанчич изјави дека по формирањето на новата влада на Косово треба да бидат укинати стоотстотните такси на увозот на стока од Србија, додека за Белград задачата е да обезбеди поволна клима за разговори со Приштина.

За косовскиот портал ИндексОнлајн Коцијанчич рече дека Европската унија од сите политички актери очекува да останат „посветени на процесот, кој е од клучно значење за Косово, Србија и иднината на регионот“.

– Ја продолжуваме тесната соработка со државите-членки и нашите меѓународни партнери – САД. Дијалогот меѓу Србија и Косово, за кој посредува ЕУ, е процес покренат од Генералното собрание на ОН, а го поддржаа членките на ЕУ, изјави Коцијанчич.