Комедијата „Кец на десетка“ премиерно во МНТ
Комедијата „Кец на десетка“ на авторот Митко Бојаџиски и во колективна режија вечер премиерно ќе биде изведена во Македонскиот народен театар. Во претставата играат Александар Миќиќ, Тања Кочовска, Нина Деан и Ивица Димитријевиќ.
- Сите актери се фантастични и со сигурност тврдам дека имаме хит, рече на прес-конференција по повод новата премиера в.д. директорот на МНТ Драган Спасов-Дац. Потенцира дека режијата е колективна бидејќи сите биле вклучени во неа, во создавањето на претставата и играта.
Авторот Бојаџиски истакна дека се работи за фамилијарна приказна од која се обидел да извади на површина се што е комично.
Сценограф на „Кец на десетка“ е Татјана Блажевска-Христоска, а костимограф Ивана Каранфиловска-Уруговска. За потребите на претставата е преработена песната „Оnly you“ на Yazoo. Текстот, аранжманот и продукцијата на насловната нумера „Кец на десетка“ е на Александар Митевски, а неа ја изведува актерската екипа.
Спасов-Дац најави дека ќе се залага во МНТ да се играат комедии кои ќе носат публика, ќе бидат издржани и без вулгарности, како и еднаш годишно да продуцираат една претстава за млади режисери, актери и драматурзи.
„Кец на десетка“ е претпоследна премиера на МНТ во оваа година. Во подготовка е мјузиклот „Мама миа“ за кој премиерата е закажана на 24 декември.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување