Комплетирани двојките за 1/2 финалето на женскиот дел од Вимблдон

Познати се полуфиналните двојки на женскиот дел од тенискиот Гранд слем Вимблдон.

Првата носителка и топ фаворитка Американката Серена Вилијамс, ќе игра против Русинката Елена Веснина, додека нејзината сестра Венус за противничка ќе ја има (4) Анџелик Кербер од Германија.

Ова е епилогот по денешните мечеви од четвртфиналето, а кои пак сите завршија во два сета.

Резултати од 1/4 -финалните натпревари:

(1-носителка) Серена Вилијамс, САД – (21) Анастасија Павличенкова, Русија 2:0 (6:4 и 6:4).

Елена Веснина, Русија - (19) Доминика Цибулкова, Словачка 2:0 (6:2 и 6:2)

(4) Анџелик Кербер, Германија - (5) Симона Халеп, Романија 2:0 (7:5 и 7:6).

(8) Венус Вилијамс, САД – Јарослава Шведова, Казахстан 2:0 (7:5 и 6:2)

Полуфиналните мечеви (1) Серена Вилијамс, САД - Елена Веснина, Русија и (4) Анџелик Кербер, Германија - (8) Венус Вилијамс, САД ќе се играат во четврток