Кон: Ситуацијата со Ковид-19 во Србија се влошува
Српскиот епидемиолог и член на Кризниот штаб, Предраг Кон изјави денеска дека епидемиолошката состојба во државата е влошена и уште повеќе ќе се влошува, очекувајќи оваа недела бројот на новозаболени да надмине 300 лица.
Тој истакна дека во следниот период сигурно ќе има четирицифрен број на нови инфекции на дневна основа, дека околу 300 лица сега се хоспитализирани, но не очекува притисок врз здравствениот систем како што беше кога имаше повеќе од 9.000 хоспитализирани во Србија.
На прашањето кога може да се очекува врв на четвртиот бран, Кон за ТВ Пинк рече дека нагорната линија трае осум недели – почна во последната недела од јуни и ќе продолжи во август. Дополнителен проблем, како што нагласи Кон, очекува во септември, на почетокот на учебната година, а претходно голем број луѓе ќе се вратат од летните одмори.
– Но, ние исто така имаме вакцинирани, што е важно како факт кој ќе влијае на развојот на ситуацијата. Ако немавме вакцинирани, не би било чудно овој последен скок да биде врвот, но ќе има четирицифрен број на заразени на дневна основа, тоа е јасно”, додаде Кон.
Ново на Сител
-
Тема на денот со Гордан Јорданов од ОМД
-
Научник кој живеел и работел во Нови Сад е Македонецот кој загина на железничката станица
-
Освен „шминка“, потребна е проверка и на стабилноста на објектите
-
Полицијата уапси еден од напаѓачите по синоќешното пукање во Арачиново
-
Убиство во Штип
-
Се интензивираат работите за изградба на автопатот Прилеп-Битола
-
Мицкоски му одговори на Ахмети - Наместо за избори, подгответе се за одговорност
-
СДСМ бара поддршка за законските измени