Концерт на Михајло Куфојанакис и Тодор Светиев во Софија

Македонските музички уметници Михајло Куфојанакис и Тодор Светиев синоќа во рамки на 12.Меѓународен музички фестивал „Борис Христов“ во Софија одржаа концерт за виолина и пијано.

Вечерта беше посветена на дела од македонски композитори Т. Зографски, К. Македонски, В. Николовски, С. Стојков, Р. Аврамовски. Настапот на македонските музичари беше проследен со долги аплаузи и бис на кој беше изведено делото „Елегија" од Ѓаконовски-Шпато.

Концертот на познатите македонски музички уметници и педагози беше организиран во соработка на Културно-информативниот центар на Република Македонија во Софија и Музичкиот Центар „Борис Христов", во рамки на циклусот музички концерти насловени „Скопје-Софија“.

Гостувањето на Куфојанакис и Светиев е поддржано од Министерството за култура на Република Македонија.