Конференција за Конвенцијата на ОН за права на инвалидни лица

Националното координативно тело за еднакви права на лица со инвалидност денеска организира меѓународната конференција на тема „Конвенција на ОН за правата на лица со инвалидност и нејзиното влијание врз националното законодавство и политики“.

Целта е размена на искуства и добри практики за влијанието на Конвенција на ОН за правата на лица со инвалидност во процесот на унапредување и подобрување на правата на лицата со инвалидност од перспектива на владините претставници, националните експерти и НВО секторот од државите во регионот.

На конференцијата ќе се обрати министерот за труд и социјална политика Фросина Ташевска Ременски.