Коронавирусот го одложи дуелот Македонија-Италија

Настапот на нашите најдобри кошаркари во квалификациите за ЕП е доведен во прашање откако пред дуелот со Италија во балонот“ во Талин, кој требаше да започне во 15 часот, ФИБА го одложи, поради позитивни тестови на вирусот Ковид-9, во македонската репрезентација.

 

Тројца македонски репрезентативци Љубомир Младеновски, Бојан Трајковски и Џејкоб Вајли, биле позитивни на последните тестирања.

 

Сите од репрезентацијата на Македонија, според препораките на ФИБА, се во карантин во хотелот во кој се сместени и ги чекаат дополнителните тестирања.

 

Дури потоа ФИБА ќе реши што понатаму. Доколку нема повеќе позитивни кошаркари, а ФИБА реши Македонија да ги игра дуелите со Италија и Естонија, тоа ќе биде голем хендикеп за Македонија.