Кошаркарите се плашат за здравјето не сакаат да ја доиграат Евролигата

Станува се поизвесно дека нема да има доигрување на кошаркарската Евролига откако капитените на сите 18 клуба учесници гласале против доигрување на сезоната 2019/20. Играчите се загрижени за здравјето во услови кога пандемијата со Ковид-19 стивнува, но не е искоренета докрај, а велат и дека се плашат од повреди поради краткото време за подготовки.

Евролигата беше прекината на почетокот на март по одиграни 28 кола, односно на шест рунди до крајот на регуларниот дел. Потоа требаше да се игра и плејоф за титулата, но сега целиот проект виси.

Сепак последниот збор ќе го имаат челниците на најсилната клупска лига во Европа по состанокот најавен за во понеделник.