Косовски опозициски пратеници поставија симболи на Косово на црногорска територија
Пратеници во косовското Собрание од редовите на опозициското националистичко движење Самоопредлеување денеска на црногорска територија поставија албанско знаме и табли со натписи „Република Косово“ и „Добре дојдовте“.
Како што јави Танјуг, неколку часа по поставувањето, знамето и таблите биле отстранети од страна припадници на црногорската полиција.
Претставниците на Самоопределување сопштија дека ги поставиле ознаките со цел да покажат која е „вистинската граница“ меѓу Црна Гора и Косово, а не онаа што е утврдена со договорот за демаркација меѓу Подгорица и Приштина.
- Поставувањето на ознаките е начин граѓаните да се спротивстават на подарувањето на територија на Црна Гора, напиша портпаролот на Самоопределување, Фисник Исмаили на својот профил на Фејсбук.
Косовската опозиција жестоко се противи на договорот за демаркација на границата меѓу Црна Гора и Косово, обвинувајќи ја Владата во Приштина дека со него дел од косовската територија и ја препуштила на Подгорица.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава