Ковачевски: Ефикасните и одржливи политики на СДСМ значат подобра сегашност и иднина

-Успешно се справуваме со енергетската криза! Нашите граѓани имаат целосно и непречено снабдување со електрична и топлинска енергија, по најниски цени во регионот и Европа! Сериозно го одржавме, и најважно од се, го зголемивме домашното производство на електрична енергија. Нашите граѓани во континуитет добиваат најниска цена за нафтените деривати, рече Ковачевски.

 

Особено сум горд што конечно, по децении стоење во место, не само што ја започнавме, туку интензивно, секојдневно и динамично ја остваруваме енергетската трансформација на државата, додаде Ковачевски.

 

-Во услови на глобална и тотална криза, како вистински социјалдемократи, како чесни и вистински патриоти за својот народ, ние успеавме рекордно да ја зголемиме минималната плата! Денеска можеме гордо да констатираме дека го исполнивме и го надминавме нашето изборно ветување за висината на просечната плата. Рекордно, двапати оваа година, ги зголемивме пензиите на сите пензионери и дополнително финансиски ги помогнавме во нивните енергетски и животни потреби. Во една календарска година, вкупното зголемување на пензиите ќе биде 16%, што досега се нема случено. И тоа во година која не е изборна.  Инвестициите во домашната економија од реномираните странски компании се зголемија, и за само 10 месеци се отворија нови, подобро платени, над 2000 работни места, рече Ковачевски.

 

Особено сум горд што успеавме, конечно, после толку години, по 17 години, да ги започнеме преговорите за полноправно членство во Европската Унија, потенцираше претседателот на СДСМ.

 

-Направивме голем успех за државата! Ако претходно успеавме со полноправното членство во НАТО, ние, СДСМ со поддршка на граѓаните, до крај ќе го истераме нашето полноправно членство во Европската Унија! Бидете убедени во тоа, рече претседателот на СДСМ, Димитар Ковачевски вечерва во Скопје, во обраќањето на големата национална трибина „Силно и одлучно кон иднината“.