Kрадел нафта, моторни масла и други предмети - приведен 64-годишен маж

Полициски службеници од ОВР Дебар лишиле  од слобода жител на дебарското село Долно Косоврасти, во чиј дом се пронајдени гориво и други предмети, стекнати од кражби.

Лицето Б.Н. (64) жител на село Долно Косоврасти беше лишено од слобода вчера  во 17.30 часот.

-При претрес во неговиот дом и други простории во кои живее и ги користи, извршен со судска наредба, биле пронајдени и одземени четири пластични канти од по 20 литри со нафта, шест пластични канти од по шест литри со моторно масло и други предмети за кои постои сомнение дека потекнуваат од кривично дело „тешка кражба“ по член 236 од Кривичниот законик, информираа од Секторот за внатрешни работи- Охрид.

Додаваат дека по целосно документирање на случајот против него ќе биде поднесена соодветна пријава.