Кривична постапка за нелегален откуп на јаболка
Една компанија која имала забрана за вршење откуп на јаболка ги отстранила пломбите и нелегално откупувала, а кај други две се констатирани долгови кон земјоделците од лани, соопшти денеска директорот на Државниот инспекторат за земјоделство Цветан Трипуновски при направениот увид во откупните пунктови во Ресен.
Против сопственикот на компанијата која нелегално откупувала јаболка, според него, ќе биде поведена кривична постапка.
- Двете други компании кај кои се констатирани долгови кон земјоделците од минатата реколта, со посебно решение се задолжени да ги исплатат земјоделците со цел да може да продолжат со откуп, информира Трипуновски.
Инспекторатот, нагласи тој, го продолжи работното време на фитосанитарните инспектори во делот на извозот на јаболката со цел да нема застој и поголема мобилност на фитоинспекторите да нема застој во издавањето сертификати, а прави контроли и за начинот на вршење на откупот.
- Инспекторатот и понатаму ќе остане на терен со земјоделските и со фитосанитарните инспектори со цел откупот да помине во најдобар ред, односно трудот на земјоделецот да биде правилно вреднуван согласно квалитетот на производот, изјави Трипуновски по посетата на неколку откупни пунктови.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата