-->
-->
Кривична пријава за струмичани за бесправно градење и узурпација на недвижности
-->
Секторот за внатрешни работи Струмица до Основното јавно обвинителство Струмица поднесе кривична пријава против струмичаните И.Ч. (28) и Т.З. (31) и правното лице ДПТУ Портланд-ОПЦ ДООЕЛ Струмица, поради постоење на основано сомневање дека пријавените сториле кривични дела „Бесправно градење“ и „Узурпација на недвижности“, соопшти денеска портпаролката на струмичката полиција, Хризантема Рендевска.
Според неа, пред четири години пријавените без да побараат соодветно одобрение за градење во катастарската парцела Сачево, кај Струмица, бесправно изградиле објекти од втора категорија.
- Тие изградиле бетонски масивен ѕид и армиран бетонски ѕид со габаритни димензии, просторија за хидрофор, магацинска соба и таложник со правоаголна форма, а истовремено со бесправното градење узурпирале и дел од соседна катастарска парцела во Сачево во туѓа сопственост. Второ пријавениот за сметка на третопријавениот- правното лице во 2017 година преку информацискиот систем е-одобрение за градење, поднел електронско барање за градење на бетонска база со сепарација од втора категорија на катарстарските парцели Градско Балдовци и Сачево, па така со приложената проектна документација пријавените сакале да го прикријат веќе постоечкиот бесправно изграден објект со кој навлегле во туѓа катастарска парцела спротивно на Законот за градење, информираше Рендевска.
Таа додаде дека по целосно расчистување и документирање на настанот од страна на СВР-Струмица подготвена е кривична пријава и е доставена во ОЈО-Струмица.
-->
-->
-->
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка