Кривична за автомеханичар од Охрид: Вадел исправни делови од автомобили и ги продавал

СВР Охрид поднесе кривична пријава против Ш.К.(39) од Охрид поради постоење основи на сомнение за сторени кривични дела „измама“.

Тој, во повеќе наврати, во својот автосервис во Охрид, примал патнички моторни возила од граѓани од Охрид, на кои им барал и добивал одредена сума пари, ветувајќи им дека ќе ги отстрани дефектите и ќе изврши комплетен ремонт на нивните возила.

Пријавениот, не ги иззвршувал поправките во договорениот период, а дополнително ги вадел исправните делови од автомобилите и ги продавал на трети лица, со што се стекнал со значителна противправна имотна корист.