Кривичниот суд ќе ја користи салата на Врховен за „Дива населба“
Со одлука на Владата на Република Македонија на скопскиот Кривичен суд му се дава на времено користење сала на Врховниот суд за случајот „Дива населба“, информираат денеска од Основниот суд Скопје 1.
- Основниот суд Скопје 1 – Скопје ги информира претставниците на медиумите како и адвокатите кои се дел од предметот поврзан со настаните во кумановска Дива населба дека со одлука на Владата на Република Македонија на Кривичниот суд во Скопје му се дава на времено користење недвижен имот односно големата сала која се наоѓа во зградата на Врховниот суд, а истата одлука веќе е објавена во Службен весник на РМ, стои во соопштението.
Со оваа одлука, како што се додава, на Основниот суд Скопје 1-Скопје се дава на времено користење, без надомест, недвижна ствар - сала со површина од 238,81 метри квадратни, која се наоѓа на ул. „Првомајска“ во Скопје, сопственост на Република Македонија, за период од шест месеци од денот на влегувањето во сила на оваа одлука. Оваа одлука влегува во сила наредниот ден од денот на објавувањето во „Службен весник на Република Македонија“.
- Со оглед на краткиот период од објавување на оваа одлука, заради формалности, односно организирање на просторот и обезбедување технички услови за судење, главната расправа за предметот поврзан со случувањата во Дива населба која беше закажана за 23 мај 2016 година се поместува за 27 мај 2016 година во 10 часот во големата сала на Врховниот суд, информираат од Основен суд Скопје 1 – Скопје.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228