-->
-->
Кривопаланечките пожарникари лани бележат 63 интервенции
-->
Територијалната противпожарна единица од Крива Паланка во 2015 година релизирала 63 интервенции, од кои 57 на пожари и шест технички интервенции.
Командирот на ТППЕ Крива Паланка, Иле Коцевски, информира дека според нивните проценки вкупната материјална штета настаната од пожарите изнесува околу 1,814 000 денари, додека штетата од пожарите на отворен простор е околу 480.500 денари.
Во шест случаи поради големата материјална штета не се утврдени износите на опожарените материјални добра.
- Споредено со 2014 година кога бележиме 30 интервенции, лани нашите пожарникари интервенирале двојно повеќе. Најмногу пожари на објекти во 2015 година настанале во грејната сезона од ноември до февруари, додека на отворен простор најчесто се случуваат во март и април кога луѓето ги подготвуваат имотите за земјоделски активности и ги палат стрништата, како и во летниот сушен период со високи температури, изјави Коцевски.
Нагласи дека согласно извештајот за работа на ТППЕ во 2015, бројките покажуваат зголемен број на шумски пожари.
- Споредено со 2014 кога имало само 6 пожари на шуми, лани таа бројка се зголемила речиси 400 отсто. Бележиме 22 шумски пожари, во кои била опожарена вкупна површина од 27,4 хектари, но за потенцирање е фактот дека штетата и опожарената површина во овие пожари е намалена во однос на претходните години, нагласи Коцевски.
Според него, ова се должи на почитувањето на апелите до граѓаните за почитување на забраните за движење во шуми, како и на брзите и навремени интервенции на пожарникарите во соработка со екипа од јавното претпријатие „Македонски шуми“, Шумско стопанство „Осогово“, Крива Паланка.
-->
-->
-->
Ново на Сител
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција