Квирикашвили: Грузија е цврсто определена за влез во НАТО

Грузија е цврсто определена да влезе во Северноатлантскиот пакт, изјави денеска грузискиот премиер Гиорги Квирикашвили.

- Активната соработка помеѓу Грузија и НАТО последниве години ја достигна највисоката точка. Грузија е цврсто решена да стане член на НАТО, и ќе продолжи со реформите во таа насока, рече Квирикашвили.

Како што јави ТАСС, дeнеска завршува пленарната седница на НАТО, што започна на 26 мај во грузискиот главен град Тбилиси. Во работата на форумот учествуваат над 600 делегати од 28-те земји членки на Алијансата и претставвници на повеќе од 20 нивни партнери.

За денеска се очекува и усвојување декларација во насока на поддршка на евроатлантската ориентација на Грузија.