Лавров: Трамп го прифати уверувањето на Путин дека Русија не е вмешана во изборите

Американскиот претседател Доналд Трамп ги прифати уверувањата на рускиот лидер Владимир Путин дека Москва не е вмешана во изборите во САД, изјави шефот на руската дипломатија Сергеј Лавров.

- Претседателот Трамп истакна дека слушнал јасни изјави од Путин дека „обвинувањата за вмешаност“ се невистинити и оти руските власти не интервенирале. Тој го прифати тоа, нагласи Лавров по средбата на двајцата лидери во Хамбург на маргините на самитот Г-20.

Американскиот државен секретар Рекс Тилерсон, пак, потенцира дека Трамп на почетокот на средбата со рускиот колега го покренал прашањето за загриженоста на американскиот народ поради наводото руско мешање во претседателските избори во САД минатата година

- Имавме мошне остра и долга размена на мислења на таа тема, изјави Тилерсон по состанокот. 

Тој нагласи дека Трамп повеќе пати го „притиснал“ Путин на таа тема, но оти тој секој пат ги демантирал тврдењата.