Лекар манијак сексуално злоставувал повеќе од 100 жени и девојки: Конечно ја признал вината и пред судот кажал три реченици
Жртвите се гневни не само на лекарот Насар, туку и на службениците кои го штителе.
Поранешниот лекар на американските гимнастичарки, кој работел на Универзитетот во Мичиген Стејт, Лери Насар, се изјаснил како виновен по седум точки од обвинението за сексуални напади.
Тој е обвинет дека сексуално злоставувал и вознемирувал повеќе од 100 жени и девојчиња, а меѓу нив и три олимписки шампионки.
Случајот со поранешниот лекар Насар е доказ за сериозниот пропуст на властите, кои, како што изгледа, не направиле многу да ги заштитат девојките од познатиот предатор, наведува VOA.
Насар е обвинет дека сексуално злоставувал девојчиња додека наводно ги лечел во својот дом и на клиниката на Универзитетот Мичиген Стејт. По неколкумесечно демантирање и молчење, тој вчера се изјаснил како виновен пред судот во Мичиген и рекол дека се кае.
"Сакам нивните рани да се залечат, сакам заедницата да се залечи. Немам непријателски чувства кон никој. Сакам само лекување, време е, и верувам дека тоа е најважна работа", рекол тој на суд.
Судијката Розмари Аквилина му кажала на Насар дека тој го користел тоа што му била укажана доверба на најужасен начин - за да злоставува деца.
"Се согласувам дека сега е време за лекување, но на нив можеби ќе им биде потребен цел живот да ги залечат раните, додека вие цел живот ќе минете зад решетки", навела судијката Аквилина од Окружниот суд во Ингам.
Жртвите не се гневни само на Насар, туку и на службениците кои го штителе.
Адвокатот Џон Менли вели дека неговата канцеларија има 105 случаи против Насар, кои, како што наведува, можеле да бидат спречени ако властите одговореле на жалбите на девојчињата.
"Ние ги изневеривме како општество. Како образовен систем. Ги изневеривме преку нашиот кривичен систем, сè до денес", рекол Менли.
Изрекувањето на пресудата на Насар е закажано за јануари, а тој се соочува со казна затвор од најмалку 25 години.
Ново на Сител
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син
-
Студија на ОН: Се зголемуваат ризиците за мигрантите во Медитеранот
-
МВР: 223 возачи казнети за брзо возење
-
Вучиќ за пишувањето на Нова: Се што е напишано е лага, имаме многу фер односи со Русија
-
Би-Би-Си: Се очекува Сунак со следните неколку часа и формално да поднесе оставка пред кралот Чарлс