Леќа што сама му нанесува лек на окото

Истражувачите од Универзитетот на Ватерло, Канада, создадоа иновативни контактни леќи коишто можат непрекинато да му нанесуваат лек на окото, пишува списанието „Аплајд материјалс“ (Applied Materials) на Американското хемиско друштво (American Chemical Society).

Новите леќи ќе значат полза за пациентите со оштетен вид бидејќи го поедноставуваат третманот и ја намалуваат потребата од постојана употреба на капки за очи. За создавање на леќите се користел хидрогел на база на силикон, којшто се стврднува кога е изложен на ултравиолетова светлина. Овој материјал не само што е цврст и флексибилен, туку има и способност да ги задржува и постепено да ги испушта лековите.

„Амоксицилин“ – антибиотик што се користи за лекување на инфекции на очите, беше користен за целите на студијата.

Научниците веруваат дека развојот на овој метод може да биде широко користен не само во офталмологијата, туку и во други области на биомедицината.