„Летал“ по автопат со 224 км/ч | ФОТО

Во текот на вчерашниот ден на територијата на државата поради брзо возење се санкционирани 222 возачи.

Како што информираат од Министерството за внатрешни работи, од нив 12 возила се движеле со брзина над 50 километри на час поголема од дозволената, а едно возило се движело со над 70 километри на час од дозволеното. Притоа, 98 возачи ја пречекориле брзината во населено место, а 124 надвор од населено место.

– Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, е наведено во соопштението од МВР.