Лев: Не ги обвинувам судиите, загубивме несреќно

Многу контроверзи предизвика досудениот пенал за Французите од страна на италијанскиот судија Рицоли. Сепак првиот стратег на „панцирите“ Јоаким Лев не сакаше да се крие зад судиите:

„ Не зборувам за одлуките на судиите тие мора да се прифатат. Не знам но постои правило ако раката не е до телото...Ако погледнете добро Швајнштајгер ја допре топката во дел од секундата, тоа е несреќа...Можеби раката не требаше да биде тука но постојат движење за време на скокот и за мене играчот не е виновен„ - смета Лев кој на крајот резимираше дека загубил подобриот противник.

„ Игравме подобро од Франција имавме свои шанси но не ги реализиравме. Мислам дека пресуди несреќниот гол во финишот од првото полувреме. Ако во полуфинаелето на ЕП 2012 и СП 2010 бевме надиграни овојпат заслуживме повеќе бидејќи го надигравме противникот“- вели Лев кој мораше на оваа средба да игра без Хумелс, Кедира и Круз а во текот на мечот се повреди и Боатенг. 

Франција во финалето в недела ќе игра против Португалија.