Личел на „Сунѓер Боб“ и заработил суспензија

Фудбалскиот сојуз на Иран му изрече шестмесечна суспензија на голманот Сошу Макани поради „серија прекршоци“, пренесе агенцијата Isna.

 

Како што се наведува, поранешниот голман на Персеполис е казнет бидејќи носел жолти пантолони кои наликуваат на популарниот анимиран лик „Сунѓер Боб“.

 

Слика на Макани, кој е облечен во жолти пантолони кои наликуваат на „Сунѓер Боб“, се проширила по социјалните мрежи, поради што голманот се нашол на удар на јавноста во Иран. 

 

Спортски и јавни личности во Иран често се критикувани поради нивниот начин на облекување и однесување. Тврдокорните линии во државата сметаат дека западната култура е корумпирана и антиисламска.

 

Голманот Макани може да ја обжали оваа одлука на Фудбалскиот сојуз.