Лига куп: ПСЖ го „крена“ првиот трофеј

Екипата на Пари Сен Жермен е победник во францускиот Лига куп, откако синоќа во финалето на „Паркот на Принцовите“ во Париз го совлада Лил со 2:1. Ова за ПСЖ е прв „кренат“ пехар оваа сезона, бидејќи веќе ја обезбедија титултата, а ќе играат и во финалето на националниот Куп.

ПСЖ прв дојде во водство со голот на Хавиер Пасторе во 40. минута, изедначи Џибрил Сидибе во 49. минута, а голот на одлука го постигна Анхел ди Марија во 74. минута.

Парижаните последните дваесетина минути ги одиграа со фудбалер помалку, бидејќи Адриен Рабио во 70.минута доби втор жолт картон.