Лилард: Не летаме во облаци по победата над Лејкерс

Најдобриот кошаркар на Портланд, Демијан Лилард, побара од своите соиграчи да останат присебни, откако во првиот натпревар од плејоф серијата го победи Лејкерс.

– Ние не се обидуваме да се преправаме дека не придаваме важност на победата, горди сме на тоа, но не смееме да летаме во облаци. Напротив, ќе се обидеме да ги поправиме нашите грешки кој ги воочивме на тој меч и на тој начин уште подобро да се справиме со противникот на вториот натпревар, изјави Лилард.

Триесетгодишниот играч е најзаслужниот за пласманот на Портланд во плејофот, а тој беше и предводник во победата над Лос Анџелес лејкерс.