Лишен од слобода жител на неготинско село, братот пријавил во полиција дека му се заканувал со остар предмет
Лишен од слобода бил жител на неготинско село, братот пријавил во полиција дека му се заканувал со остар предмет. Во друг случај, ваташанец испукал два куршуми од гасен пиштол во Кавадарци. За двата настана од вчера, денеска информираа од СВР Велес.
- Вчера во 16:20 часот полициски службеници од ОВР Неготино го лишиле од слобода С.А.(28) од неготинско село, по претходна пријава од неговиот 22-годишен брат, дека во семејниот дом додека имале вербална распарвија, С.А. му се заканувал со остар предмет. С.А. бил задржан во полициска станица, предметот бил одземен и по документирање на настанот, против него ќе биде поднесена соодветна пријава, појаснија од СВР Велес.
Оттаму соопштија дека претходно, во 16:10 часот, полициски службеници од ОВР Кавадарци го привеле М.П.(22) од село Ваташа, кавадаречко.
-На улица „Илинденска“ во Кавадарци, додека се превезувал со патничко возило „пасат“ со кавадаречки регистарски ознаки, управувано од И.Д.(22) од Кавадарци, преку прозорецот од возилото испукал два куршума од гасен пиштол. Во возилото бил пронајден и одземен пиштолот и неиспукани куршуми кои ги поседувал без одобрение, а биле пронајдени и подигнати и испуканите чаури. По документирање на настанот, против М.П. ќе биде поднесена соодветна пријава, информираа од СВР Велес.
Ново на Сител
-
Заемот од Унгарија пред пратениците
-
ВМРО-ДПМНЕ: Во МЕПСО се трошело без усул
-
Оризарите обвинуваат, ориз од увоз се дакларира и продава како кочански
-
Полначи за електрични возила на југот од Македонија
-
Преглед на вестите од светот
-
Како да се „спасат'' Преспанското и Охридското Езеро?
-
Тема на денот со претседателката Гордана Сиљановска Давкова
-
Бугарскиот амбасадор одби да ја прими протестната нота од МНР, за Сител вели не бил прекршен ниту еден протокол