Литванија ќе им понуди по илјада евра на мигрантите за да се вратат дома

Литванија соопшти дека ќе им понуди на мигрантите поголема парична стимулација да се вратат дома, додека балтичката држава се бори да врати илјадници луѓе кои ѝ се приклучија на земјата-членка на ЕУ од Белорусија.

„Секој мигрант кој доброволно ќе избере да се врати во својата земја на потекло сега ќе добие 1.000 евра наместо само 300 од државните граничари, заедно со авионски билет за дома“, соопшти Министерството за внатрешни работи.

– По одбивањето на повеќето барања за азил, потребни ни се решенија за враќање на мигрантите во нивните земји на потекло. Се надеваме дека повисоката исплата ќе го зголеми бројот на мигранти кои доброволно ќе се вратат, рече министерката за внатрешни работи Агне Билотајте.

Илјадници мигранти, главно од Блискиот Исток, од летото ја преминаа или се обидоа да ја преминат источната граница на Европската унија во Летонија, Литванија или Полска.