Мајкл Џ. Фокс: Не можев да паднам пониско од ова
Мајкл Џ. Фокс, можеби најпознат по филмот „Враќање во иднината“, откри дека е благодарен што ги поминал најмрачните моменти во животот, откако му бил отстранет туморот на ’рбетот.
Зборувајќи за списанието „Пипл“ за неговите борби во животот, 59-годишниот глумец објасни оти многу лошо му паднало и тоа кога ја скршил раката.
– Тогаш, просто, пукнав. Бев потпрен на ѕидот во мојата кујна, чекајќи да дојде брзата помош и чувствував дека не можам да паднам пониско од ова. Се чувствував како да нема светло за мене на крајот од тунелот, затоа што во исто време имав и Паркинсон, отстранет тумор, а сега и скршена рака, раскажува тој.
Но, и покрај миговите кога не се чувствувал добро – психички и физички, тој уверува дека неговата благодарност кон животот е искрена и подлабока, сега, откако ги минал сите низ тешки периоди.
– Луѓето не ми веруваат кога велам дека го сакам животот… Мојот живот сега е смирен и, всушност, навистина добро се забавувам, вели Мајкл.
Нему му беше дијагностицирана Паркинсонова болест во 1991 година, а тој јавно проговоре за тоа 1998 година. Скоро потоа ја основа Фондацијата „Мајкл Џ. Фокс“, којашто прибира милиони долари за финансирање на истражувањата околу оваа болест.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април