Македонската ракометна репрезентција се пласираше на Светското првенство 2027

Македонската машка ракометна селекција на доминантен начин обезбеди место на Светското првенство во 2027 година, кое ќе се игра во Германија. Избраниците на селекторот Кирил Лазаров пред преполната арена „Борис Трајковски“ триумфираа убедливо со 38-23.

Со новото учество, Македонија продолжува со континуитетот на настапи на светските шампионати. Ова ќе биде десетти настап на Мундијалите во историјата, а осми по ред.

Најефикасен во македонскиот состав повторно беше капитенот Филип Кузмановски, кој натпреварот го заврши со 11 погодоци.

Прашањето околу победникот беше решено уште во првото полувреме, кога Македонија замина на пауза со сигурни 18-11. Во продолжението разликата дополнително растеше, па нашите ракометари брзо стигнаа и до убедливи 24-13, со што сите дилеми околу исходот исчезнаа.

И покрај високата предност, македонските ракометари не го намалија ритамот. Со борбена игра сакаа да им се оддолжат на навивачите за фантастичната поддршка и одличната атмосфера на трибините, кои беа исполнети и покрај тоа што противникот не важеше за атрактивен ривал.

Ждрепката за Светското првенство е закажана за 10 јуни.