Макрон ненадејно ги повика Вучиќ и Тачи на состанок
Францускиот претседател Емануел Макрон денеска, по отворањето на Мировниот форум, ненадејно ги повика српскиот претседател Александар Вучиќ и косовскиот претседател Хашим Тачи на состанок, неофицијално дознава белградскиот весник „Блиц“.
– Макрон сака повторно да се види со Вучиќ, а потоа заедно со Вучиќ и Тачи, изјави неименуван дипломатски извори за „Блиц“. Вучиќ и Тачи присуствуваат на Мировниот форум, а Вучиќ го напушти Панелот за мултилатерализам во рамките на Форумот за да разговара со францускиот претседател. Макрон синоќа оствари билатерална средба со Вучиќ која траеше повеќе од еден час.
Тачи, според соопштението, кратко му пренесол на Макрон дека Приштина сака мировен договор со Србија, кој би обезбедил взаемно признавање.
Макрон претходно во повеќе наврати ја истакна својата намера Франција подиректно да се вклучи во дијалогот Белград – Приштина, што е блокиран веќе подолго време.
Ново на Сител
-
Се гласа за Српската влада
-
Тема на денот со Иван Пешевски, ССМ
-
Масовен протест за 1 Мај: Синдикатите побараа 450 евра минимална плата од новата влада
-
Работниците креваат глас
-
Првомајската традиција продолжува
-
Охрид полн со туристи за 1 Мај
-
Експерти: Екстрадицијата на Палевски треба да се прави во најголема тајност
-
Студен туш за барањата на Максим Димитриевски - за него пак, ароганцијата на СДСМ е ненадминлива