Малечката Лили (10) од Тексас се бањала во река, а утредента ја заболело глава: Поради амеба се бори за живот, прогнозите се црни
Малечката Лили Ме (10) од Тексас се бори за живот откако во текот на безгрижен викенд со родителите на реката Брејзос се заразила со амеба која и го уништува мозокот.
Девојчето веќе во неделата на 8 септември добило болки во главата и набрзо ја фатило треска.
„Станала некохерентна и нереспонсивна, па ја однесовме во Итната помош, објавија членовите на семејствто на Фејсбук страницата Lilistrong (#Lilystrong), која е покрената во знак на поддршка на малечката.
Меѓутоа, медицинските анализи покажаа дека Лили се заразила со амебата Naegleria fowleri.
„Таа амеба е ноќен кошмар за секој пациент“, се жали Кристал Ворен, вујна на Лили.
„Не разбираме токму како се заразила, а тој ден таму се бањаа многу луѓе“.
Од американскиот Центар за контрола и превензија на болести објаснија дека амебата е едноклеточен организам кој живее во топлите води како што се реки и езера. Амебата во телото влегува низ нос, доаѓа до мозокот и таму го уништува мозочното ткиво, известува Си Ен Ен.
Статистиката е застрашувачка. Меѓу 1962 и 2018 година во САД со оваа амеба се заразиле 145 луѓе. Само четворица преживеале. Семејството на Лили се надева и моли за помош таа да биде петта.
Ново на Сител
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра