Малолетник управувал со моторот со кој ги прегази мајката и детето во Карпош

Моторџијата кој удри во мајката и малолетно дете имал 17-години, изјавиле од МВР за „Макфакс“. Според првичните информации, тој удрил во двајцата пешаци, кои поминувале на пешачки прекин, а помеѓу два лежечки полицајци.

„Удрил во М.К. и малолетник, кои се пренесени во Ургентен центар ‘Мајка Тереза’ за укажување лекарска помош, а потоа и во паркирано возило ‘лада’“,изјавиле од МВР.

Не се знае видот на повредите на мајката и детето, кои со Брза помош се пренесени во болница. Тие биле во шок, сведочат случајни минувачи, кои додаваат дека во помош истрчале вработени во локалниот старечки дом, како и случајни минувачи.

Увидот е во тек.