Манчестер Јунајтед подготвува 80 милиони фунти за Гризман

 

 

 Раководството на премиерлигашот Манчестер Јунајтед подготвува понуда од 80 милиони евра за трансфер на Антоан Гризман во јануари кој би бил замена за Вејн Руни, пишува„Мирор“.

 

Според англискиот весник Руни би требало кариерата да ја продолжи во Кина или САД, а потпретседателот и главен оперативен директор Ед Вудворд ќе се обиде да го донесе најдобриот играч од Европското првенство во Франција.

 

Проблем може да претставува фактот дека Гризман е задоволен од статусот во Атлетико Мадрид и има договор до 2021 година со сегашниот негов клуб.

 

Сепак, останува да се види дали богатата понуда од Јунајтед ќе биде доволна управата на шпанскиот тим да го пушти Гризман во Англија.