Мартин Шулц ја критикува новата британска Влада

Претседателот на Еверопски парламент Мартин Шулц денеска остро го критикуваше составот на Кабинетот на новата британска премиерка Тереза Меј наведувајќи дека со тоа се продолжува „опасен маѓепсан круг“ кој ќе и наштети на Велика Британија и на Европа.

– Ние ќе соработуваме со новата британска Влада во овие тешки времиња... Но, составот на новиот Кабиент покажува дека фокусот на новата Влада е помалку за иднината на државата, а повеќе на јакнење на внатрешната кохезија во Конзервативната партија, нагласи германскиот политичар.

– За жал, тоа е само продолжение на она од кое произлезе и тој несреќен британски референдум, истакна Шулц.

Тој додаде дека „Велика Британија мора да го прекине тој опасен маѓепсан круг, што директно има влијание и врз остатокот од Европа“.

– Европа се наоѓа во неизвесна и тешка ситуација, и затоа мора сите да се однесуваме многу одговорно, истакна претседателот на ЕП.